Resepte Afrikaans - Piesang Resepte                       Na: Uit die Kombuis                       Home Piesang Resepte Inhoud Piesang en Ham Krummelpiesangs Piesangkerse Piesang en Ham Neem soveel piesangs as wat nodig is en rol elke piesang in n skyfie ham wat liggies met mosterd gesmeer is. Rangskik langs mekaar in `n oondskottel.  Gooi `n blikkie suikermielies oor en bedk met gerasperde Cheddar-kaas. Sit in `n matige oond totdat die hele gereg deur en deur warm en lig-bruin van kleur is. Krummelpiesangs 1 eier 1 ml sout 12,5 ml suurlemoensap 3 piesangs broodkrummels Klits die eier deeglik. Roer die sout en suurlemoensap by.   Sny die pieangs in die lengte middeldeur en doop elke stukkie in die eiermengsel. Rol in broodkrummels.Bak ongeveer 2 min in diep vet. Dien dadelik op as `n bygereg by vleis.        Lewer 3 porsies. Piesangkerse 3 piesangs 25 ml suurlemoensap 6 pynappelringe 25 ml mayonnaise  3 versuikerde kersies Sny die piesangs in die breedte deur, doop in suurlemoensap en rangskik elke stuk regop in `n pynappelring. Drup mayonnaise langs die kante van die piesangs. Steek `n halwe kersie met `n peuselstokkie op elke piesang vas. Dit lyk soos `n brandende kers op `n blaker.   Sit elke “kers” op `n bordjie met slaaiblare. Lemoenskywe kan in plaas van die pynappelskywe gebruik word.        Lewer 3 porsies.