Resepte Afrikaans - Visgeregte                    Na: Uit die Kombuis                    Home Visgeregte Inhoud Viskoekies Stokvisgereg Skelvispastei Kul-kreefgereg Salm-mousse Wafels en fynkreef Tuna Souttert Viskoekies 1 blik ingelegde vis                 1 eier 1 gerasperde ui                       fyn pietersielie 2 koppies fyngemaakte aartappels sout en pepper Maak die vis fyn en voeg die res van die bestandele by.   Meng en maak balletjies.  Rol in droë mieliemeel en bak in olie tot gaar. Stokvisgereg 500g stokvis                                   3 gerasperde aartappels 1 koppie gerasperde kaas             1 koppie melk 3 geskilde tamaties in skywe gesny 2 eiers (geklits) sout Meng melk eiers en sout.  Pak die vis, aartapels, tamaties en kaas in lae, in 'n gesmeerde bakskottel.   Gooi die melkeier- en soutmengsel oor.  Bak in 'n matige oond vir 'n halfuur. Bedien met slaaie. Skelvispastei 1 pak "haddock"                       1 groot gerasperde ui 1 eier                                          peper 1 koppie gerasperde kaas       witsous waarby kaas gevoeg is. Kook "haddock" gaar, en voeg die res van die bestandele by. Voeg 'n bietjie pietersielie of fyn groen lobbe van uie by.   Skep in 'n gesmeerde vuurvaste bak en bak in 'n matige oond.  ('n Bietjie gerasperde kaas kan bo-oor gestrooi word). Kul-kreefgereg 1 pakkie visvinger                     1 gekapte ui 2 koppies water                        1 koppie wit wyn 1 knippie suiker                        sout na smaak peper                                        1 takkie pietersielie Kook alles, behalwe die vis, vir ongeveer tien min. saam.   Voeg dan die visvangers by en kook stadig vir ±'n 1/2 uur. Slaaisous Room Slaaiblare Gooi die sous af van die vis en sny die vis in klein stukkies. Doop dit in slaaisous wat met room verdun is, dien op, opgesnyde slaaiblare.  Versier met tamatieskyfies of olywe of aspersiestukkies. Salm-mousse 1 koppie melk                              3  eiergele, effens geklits 2 gelykvol eetlepels gelatien      1 beesvleissopblokkies 1 koppie kookwater                     1 blikkie salm, gevlok 1 klein kartonnetjie room, geklits   peper na smaak paprika pietersielie Verwarm melk tot kookpunt (nie te warm nie - dit skif) Laat effens afkoel en giet oor eiergeel.  Giet terug in kastrol en roer oor lae warmte tot mengsel dik word en 'n lagie op agterkant van lepel vorm.  Giet in 'n mengbak.  Week gelatien in 'n klein bietjie koue water.  Los sopblokkie in kookwater op, voeg by gelatien en roer tot gelatien opgelo is.   Voeg by eiermengsel.  Roer vis, ui en room by.  Voeg peper na smaak by. Spoel 'n 5-koppie-visvorm met koue water uit en giet mengsel in.  Verkoel in yskas tot gestol.  Keer op 'n vlak skottel uit. Strooi paprika oor.  Garneer met pietersielie. Wafels en fynkreef 142 g bevrore wafels (6 wafels) klaar pakkies 300 g bevrore fynkreef (ongeveer 250 ml gaar fynkreef) 25 mil meelblom 25 ml botter 250 ml melk 1 ml sout knippie swart peper 5 ml fyngekapte pietersielie 50 ml gerasperde kaas paprieka suurlemoenskyfies Rooster wafels volgens aanwysings op pakkie en hou warm.  Kook fynkreef volgens aanwysings op pakkie en dreineer.   Maak 'n matige witsous van meelblom, botter en melk en geur met sout en peper.  Verwyder van warmte en roer pietersielie, kaas en gaar fynkreef in.  Skep warm op wafels.  Strooi paprieka oor en garneer met suurlemoenskyfies.   Sit dadelik voor. Tuna Souttert Onverwagte gaste, of `n kits middagete.  Hou altyd blikkies Tuna vis in voorraad. Neem `n halwe witbrood en sny korse af. Sny in dik snye en sny elke sny in driehoeke. Smeer albei kante floro en pak op duie bodem van `n gesmeerde groot tertbord. Vlok 1 blikkie Tuna vis eweredig oor die brood. Rasper nou die vis toe met kaas. Meng die volgende bestandele en Skep oor die gerasperde kaas:      3 eiers      2 t vloeibare mosterd      1 eet sojasous (kan weggelaat word) Sout, peper en fondor na smaak.      1 blikkie ingedampte melk      Plaas `n paar klontjies botter bo-op en bak in medium oond tot goudbruin en gepof. Dien op saam met warm broodjies en slaai.