Aartappel Geregte                                               Uit die Kombuis                                 Home Aartappelslaaie en slaaisouse 2 Aartappel-eierslaai 600g gaar aartappelblokkies (750 ml) 3 hardgekookte eiers - grofgekap 1 klein ui - fyngekap 6 kapperjiesade - fyngekap of ½ soetrissie - fyngekap slaaisous bereide slaaiblare gekapte pietersielie Metode: Meng die aartappel, eier, ui en soetrissie of kappertjiesaad en genoeg slaaisous om die mengsel aan te klam.  Skep op slaaiblare en garner met gekapte pietersielie. Outydse slaaisous 650mg mosterd (2 ml) 2g sout (2 ml) 500mg peper (1 ml) 30g bruinsuiker (37,5 ml) 2 eiers geklop 37,5ml druiweasyn Metode: Meng al die bestandele en klits met `n eierklitser.  Verhit en roer die mengsel in `n dubbelkoker oor lae temperatuur, totdat die sous net dik word.  Moet dit nie laat kook nie; dit sal skif. Mayonnaise 650mg mosterd (2 ml) 5g suiker (5 ml) 2g sout (2 ml) 500mg rooipeper (1 ml) 1 eiergeel 12,5ml asyn 150ml slaaiolie 12,5ml suurlemoensap Metode: Meng die droë bestandele in `n diep mengbak.  Roer die eiergeel by en dan die asyn, klits deeglik met  `n eierklitser, terwyl 15ml olie druppel vir druppel bygevoeg word.  Klits dan die res van die olie geleidelik by totdat die mengsel dik word.  Roer die suurlemoensap by en voeg meer by indien die mengsel té dik is.  Die mayonnaise moet styf genoeg wees om sy vorm te behou.  As die mayonnaise skif (gewoonlik omdat die olie té vinnig bygevoeg word)  plaas dan `n eiergeel in `n mengbak en klits die geskfite mayonnaise geleidelik by.